Connect with us

Gallery

വെസ്റ്റ് ബംഗാളിലെ തനത് കലാരൂപമായ ഗോമ്പിറയെ ജനങ്ങൾക്ക് പരിചയപ്പെടുത്തുന്ന ഡോക്യൂമെന്ററി ഫിലിം ആണ് “ഗോമ്പിറ ” ട്രൈലെർ കാണാം

Published

on

1947 ഓഗസ്റ്റ് 15 അർദ്ധരാത്രി ഇന്ത്യയെന്ന മഹത്തായ രാഷ്ട്രം ബ്രിട്ടീഷിൽ നിന്നും സ്വതന്ത്രയായി. രാജ്യമെങ്ങും സ്വാതന്ത്ര്യം ആഘോഷിക്കാൻ തുടങ്ങി. ആഹ്ലാദാരവങ്ങൾക്കിടയിൽ ഇന്ത്യയുടെ അതിർത്തിയിൽ വെസ്റ്റ് ബംഗാളിലെ ജില്ലയായ മാൾഡ ആഘോഷങ്ങളിൽ നിന്നും ഒഴിഞ്ഞു കിടന്നു. സ്വാതന്ത്ര്യസമരാനന്തരം വിഭജിക്കപ്പെട്ട കിഴക്കൻ പാക്കിസ്ഥാനായ ബംഗ്ലാദേശിന്റെയും ഇന്ത്യയുടേയും അതിർത്തി നിർണയിച്ചപ്പോൾ, അതിർത്തി ജില്ലയായ മാൾഡ ഇന്ത്യയിലാണോ ബംഗ്ലാദേശിലാണോ എന്ന് തീരുമാനമാകാതെ നിന്നു. മാൾഡയെ ചൊല്ലി കലാപം തുടങ്ങി. ജീവിതത്തിലെ ഏറ്റവും മോശം ദിനങ്ങളിലൂടെ കടന്നുപോയ മാൾഡ മൂന്നു ദിവസങ്ങൾക്കു ശേഷം സ്വതന്ത്രയായി. മാൾഡ ഇന്ത്യയിൽ തന്നെ ലയിച്ചു.

ചൂഷണങ്ങൾക്ക് ഏറ്റവുമധികം വിധേയരായിട്ടുള്ളവർക്കിടയിലാണ് പ്രധിഷേസ്വരങ്ങൾ ഏറെ ഉയർന്നുകേട്ടിട്ടുള്ളത്. മാൾഡയിലെ ജനങ്ങൾക്ക് അവരുടെ പ്രധിഷേധം രേഖപ്പെടുത്താനും തങ്ങൾ നേരിടുന്ന ദുരിതങ്ങൾ അധികാരികളുടെ ശ്രദ്ധയിൽ പ്പെടുത്താനും ഒരു മാധ്യമമുണ്ടായിരുന്നു. അതാണ് ” ഗോമ്പിറ “.ആക്ഷേപഹാസ്യത്തിലൂടെ ജനങ്ങളെ അവർ നേരിട്ടുകൊണ്ടിരിക്കുന്ന പ്രശ്നങ്ങളെ, സമകാലീനവിഷയങ്ങളെ ഗാനത്തിലൂടെയും നൃത്തം ചെയ്തും അവതരിപ്പിക്കപ്പെടുന്ന ഒരു കലയാണ് “ഗോമ്പിറ “.

ആദ്യകാലത്ത്‌ ശിവക്ഷേത്രത്തിലാണ് ഗോമ്പിറ അവതരിപ്പിച്ചുകൊണ്ടിരുന്നത്. ശിവനെ സ്തുതിക്കുകയും ശിവൻ പ്രത്യക്ഷപ്പെട്ടു കഴിയുമ്പോൾ തങ്ങളുടെ വേദനകളെ ശിവനെ അറിയിക്കുന്നതുമായിട്ടായിരുന്നു ആദ്യകാലങ്ങളിൽ. ഇപ്പോൾ ഗോമ്പിറ അവതരിപ്പിക്കുന്നത് ജനമധ്യത്തിലാണ് -സമൂഹത്തിന്റെ പ്രതിനിധികളായ കഥാപാത്രങ്ങളായി സ്റ്റേജിൽ കലാകാരന്മാർ അണിനിരക്കുന്നു. ആഗോളതാപനം, വനനശീകരണം, മതതീവ്രവാദം, ജനപ്രതിനിധികളുടെ ജനദ്രോഹനയങ്ങൾ എന്നിങ്ങനെ സമൂഹത്തെ ബാധിക്കുന്ന പ്രശ്നങ്ങളാണ് ഗോമ്പിറ ചർച്ചചെയ്യുന്നത്.ആക്ഷേപഹാസ്യരൂപത്തിൽ, സാധാരണ ജനങ്ങൾക്ക് എളുപ്പം മനസ്സിലാകുന്ന രീതിയിലാണ് ഗോമ്പിറ അവതരിപ്പിക്കപ്പെടുന്നത്. അതുകൊണ്ടുതന്നെ തങ്ങൾ അഭിമുഖീകരിക്കുന്ന പ്രശ്നങ്ങളെകുറിച്ചു പ്രേക്ഷകർ എളുപ്പം ബോധവാന്മാരാകുന്നു.

ഇന്ത്യൻ സ്വാതന്ത്ര്യസമരകാലഘട്ടങ്ങളിൽ ബ്രിട്ടീഷ് ഗവണ്മെന്റിന്റെ ചൂഷണങ്ങൾ ജനങ്ങളെ അറിയിക്കുന്നതിന് ഗോമ്പിറ നിരോധിക്കുകയും, ഗോമ്പിറയുടെ സ്ക്രിപ്റ്റുകൾ കത്തിച്ചുകളയുകയും കലാകാരന്മാരെ അറസ്റ്റ് ചെയ്യുകയും ചെയ്തുപോന്നു. ഗോമ്പിറയുടെ പ്രസക്തി മനസ്സിലാക്കിയ നേതാജി സുഭാഷ് ചന്ദ്രബോസ് നെ പോലുള്ളവർ ജനങ്ങളോട് ഗോമ്പിറ കാണാൻ ആഹ്വാനം ചെയ്യുകയും ചെയ്തിരുന്നു.നമ്മൾ ഇന്ന് അനുഭവിക്കുന്ന സ്വാതന്ത്ര്യം കേട്ടറിവില്ലാത്ത ഒട്ടനേകം പോരാളികളിലൂടെയാണ് നമുക്ക് കൈവന്നത് എന്ന് ഗോമ്പിറയെക്കുറിച്ചും മനസ്സിലാക്കി തുടങ്ങുമ്പോൾ നമ്മൾ തിരിച്ചറിയുന്നു.സമൂഹത്തിന് ഉപകാരപ്രദമാകുമ്പോഴാണ് ഏതൊരു കലാരൂപവും മഹത്തരമാകുന്നത്. അനീതിക്കെതിരെ പ്രതികരിക്കാനും പ്രതിഷേധിക്കാനും മടിക്കുന്ന ഇന്നത്തെ സമൂഹത്തിൽ ഏറെ പ്രസക്തമായ ഒരു കലാരൂപമാണ് ഗോമ്പിറ. വെസ്റ്റ് ബംഗാളിലെ തനത് കലാരൂപമായ ഗോമ്പിറയെ ജനങ്ങൾക്ക് പരിചയപ്പെടുത്തുന്ന ഡോക്യൂമെന്ററി ഫിലിം ആണ് “ഗോമ്പിറ “.ബംഗ്ലാദേശ് ബോർഡറായ മാൾഡയിലാണ് ഡോക്യൂമെന്ററി ചിത്രീകരിച്ചിരിക്കുന്നത്. മാൾഡയിലെ ഒട്ടനേകം ഗോമ്പിറ കലാകാരന്മാരും മാൾഡയിലെ സാധാരണക്കാരായ ജനങ്ങളും ഇതിൽ അഭിനയിച്ചിരിക്കുന്നു.

രചന സംവിധാനം – ഷബിൻ
പ്രൊഡക്ഷൻ – മിറാക്കിൾ സ്റ്റുഡിയോസ്
ഛായാഗ്രാഹകൻ – പ്രശാന്ത് പ്രദീപ്
എഡിറ്റർ – വിവേക് ടി എസ്
സഹ സംവിധായകൻ – ദീപക് രാജ്
കഥ ഗവേഷണം – കാവ്യ ബാബുരാജ്

 

 

entertainment

കോളിവുഡ് ഭരിച്ചടുക്കി ദളപതി വിജയ്; 100 കോടി ക്ലബിൽ ‘ബിഗിൽ’

Published

on

ദളപതി വിജയ് നായകനായി എത്തിയ ആറ്റ്ലി ചിത്രമായ ബിഗിൽ കളക്ഷൻ റെക്കോർഡുകൾ ഭേദിച്ച് കൊണ്ട് മുന്നേറുകയാണ്. റിലീസ് ചെയ്തു മൂന്നു ദിവസങ്ങൾ കൊണ്ട് തന്നെ നൂറു കോടി ക്ലബിൽ ഇടം പിടിച്ച ബിഗിൽ വിജയ്‌യുടെ കരിയറിലെയും തമിഴ് സിനിമാ ചരിത്രത്തിലേയും വലിയ വിജയങ്ങളിൽ ഒന്നായി മാറാൻ ഉള്ള ഒരുക്കത്തിലാണ്. വർക്കിംഗ് ഡേയിൽ പോലും അതിഗംഭീര കളക്ഷൻ നേടിയെടുക്കുന്ന ഈ ചിത്രം പുതിയ ബോക്സ് ഓഫീസ് ചരിത്രങ്ങൾ സൃഷ്ടിക്കുമെന്ന് തീയേറ്റർ ഉടമകളും വിതരണക്കാരും അതുപോലെ തന്നെ ട്രേഡ് അനലിസ്റ്റുകളും പറയുന്നു.

ഡൊമസ്റ്റിക് മാർക്കറ്റിൽ എന്നത് പോലെ ഓവർസീസ് മാർക്കറ്റിലും വിജയ് തരംഗം ആഞ്ഞടിക്കുകയാണ്. ബോളിവുഡ് ചിത്രങ്ങളെ പോലും പിന്നിലാക്കിയാണ് വിദേശ മാർക്കറ്റിൽ ഇപ്പോൾ ബിഗിൽ കുതിക്കുന്നത്‌. തമിഴ് സിനിമയിൽ ഇപ്പോൾ രജനീകാന്തിന് ഒപ്പമോ ഒരുപക്ഷെ അതിനു മുകളിലോ ആണ് ദളപതി വിജയ്‌യുടെ സ്ഥാനം എന്ന് പറയേണ്ടി വരും. ഒരു വിജയ് ചിത്രത്തിന് തരക്കേടില്ലാത്ത അഭിപ്രായം നേടാനായാൽ ആ ചിത്രം ബോക്സ് ഓഫീസിൽ ചരിത്രങ്ങൾ സൃഷ്ടിക്കുന്ന കാഴ്ചയാണ് കഴിഞ്ഞ ഏതാനും വർഷങ്ങൾ ആയി നമ്മുക്ക് കാണാൻ സാധിക്കുന്നത്. ആറ്റ്ലി-വിജയ് കൂട്ടുകെട്ടിൽ പിറന്ന തെരി, മെർസൽ എന്നീ ചിത്രങ്ങളും എ ആർ മുരുഗദോസ് ഒരുക്കിയ തുപ്പാക്കി, കത്തി ഇനീ ചിത്രങ്ങളും ഇതിനു ഉദാഹരണമായി നമ്മുക്ക് പറയാം.

മലയാള സിനിമയിൽ മോഹൻലാൽ ചിത്രങ്ങൾ എങ്ങനെയാണോ കത്തിപ്പടരുന്നത് അതുപോലെയാണ് വിജയ് ചിത്രങ്ങൾ ഇപ്പോൾ തമിഴ് സിനിമയിൽ കൊടുങ്കാറ്റു സൃഷ്ടിക്കുന്നത്. മറ്റു സംസ്ഥാനങ്ങളിൽ പോലും മികച്ച രീതിയിൽ മുന്നേറ്റം നടത്താൻ വിജയ് ചിത്രങ്ങൾക്ക് സാധിക്കുന്നു എന്നതും എടുത്തു പറയേണ്ട വസ്തുതയാണ്. കുഴപ്പമില്ലാത്ത അഭിപ്രായം നേടാൻ കഴിഞ്ഞിട്ടും മറ്റു പല താരങ്ങളുടെയും ചിത്രങ്ങൾ ബോക്സ് ഓഫീസിൽ കിതക്കുന്ന കാഴ്ചയും ഇതിനോട് നമ്മൾ കൂട്ടി വായിച്ച പറ്റൂ. ഇതെല്ലാം വിലയിരുത്തിക്കൊണ്ട് തന്നെ നമ്മുക്ക് പറയാൻ സാധിക്കും, ഇന്ന് തമിഴ് സിനിമയുടെ രാജാവാണ് ഈ താരമെന്ന്‌, ഒരേയൊരു രാജാവ്.

Continue Reading

entertainment

ദിലീപിന്റെയും കാവ്യയുടെയും മകളായ ‘മഹാലക്ഷ്മിയുടെ’ പിറന്നാൾ ആഘോഷം കുടുംബത്തിനോടൊപ്പം..!

Published

on

മലയാളികളുടെ ജനപ്രിയനായകന്‍ ദിലീപിന്റെയും ഭാര്യ കാവ്യ മാധവന്റെയും മകള്‍ മഹാലക്ഷ്മിയുടെ ഒന്നാം പിറന്നാള്‍ ആയിരുന്നു കഴിഞ്ഞ ദിവസം. താരസമ്പന്നമായാണ് കുഞ്ഞു മഹാലക്ഷ്മിയുടെ ഒന്നാം പിറന്നാള്‍ ദിലീപും കാവ്യയും മീനാക്ഷി ദിലീപും ചേര്‍ന്ന് ആഘോഷമാക്കിയത്. ഇപ്പോഴിതാ പിറന്നാള്‍ ആഘോഷത്തിന്റെ ചിത്രങ്ങളും സാമൂഹ്യ മാധ്യമങ്ങളില്‍ ശ്രദ്ധ നേടുന്നു.

നടി നമിതാ പ്രമോദ്, അരുണ്‍ ഗോപി, ലാല്‍ ജോസ്, സെജു കുറുപ്പ്, തുടങ്ങി നിരവധി താരങ്ങള്‍ മഹാലക്ഷ്മിയുടെ പിറന്നാള്‍ ആഘോഷത്തില്‍ പങ്കെടുത്തു. 2018 ഒക്ടോബര്‍ 19 നാണ് ദിലീപിനും കാവ്യയ്ക്കും പെണ്‍കുഞ്ഞ് പിറന്നത്.

നിരവധി താരങ്ങള്‍ മഹാലക്ഷ്മിക്ക് പിറന്നാള്‍ ആശംസകള്‍ നേര്‍ന്നുകൊണ്ട് ചിത്രങ്ങള്‍ സാമൂഹ്യ മാധ്യമങ്ങളില്‍ പങ്കുവയ്ക്കുന്നുണ്ട്.

അതേസമയം ദിലീപ് നായകനായെത്തുന്ന ജാക്ക് ഡാനിയല്‍ എന്ന ചിത്രം അണിയറയില്‍ ഒരുക്കത്തിലാണ്. നംവംബര്‍ 7 മുതല്‍ ചിത്രം തിയറ്ററുകളില്‍ പ്രദര്‍ശനത്തിനെത്തും. ദിലീപിനൊപ്പം തമിഴകത്തെ സൂപ്പര്‍ താരം അര്‍ജുനും ജാക്ക് ഡാനിയല്‍ എന്ന സിനിമയില്‍ കേന്ദ്ര കഥാപാത്രമായെത്തുന്നുണ്ട്. എസ്എല്‍ പുരം ജയസൂര്യയായാണ് ചിത്രത്തിന്റെ സംവിധാനം. ജയസൂര്യ തന്നെയാണ് ചിത്രത്തിന്റെ തിരക്കഥ ഒരുക്കിയിരിക്കുന്നതും. ‘ഞാന്‍ പ്രകാശന്‍’ എന്ന സിനിമയിലൂടെ പ്രേക്ഷകര്‍ക്ക് സുപരിചിതയായ അഞ്ജു കുര്യനാണ് ചിത്രത്തില്‍ നായികയായെത്തുന്നത്.

Continue Reading

entertainment

റോഷ്‌നി ദിനകർ സംവിധാനം ചെയ്യുന്ന ‘2 സ്ട്രോക്ക്’ൽ ശ്രീനാഥ് ഭാസി, ഷെബിൻ ബെൻസൺ, അമിത് ചക്കാലക്കൽ

Published

on

‘മൈ സ്റ്റോറി’യുടെ പരാജയത്തിന് ശേഷം സംവിധായകൻ റോഷ്നി ദിനകർ അവളുടെ അടുത്ത ചിത്രവുമായി തിരിച്ചെത്തുന്നു. അവളുടെ രണ്ടാമത്തെ ചിത്രത്തിന് ‘2 സ്ട്രോക്ക്’ എന്ന് പേരിട്ടിട്ടുണ്ട്. ശ്രീനാഥ് ഭാസി, അമിത് ചക്കലക്കൽ, ഷെബിൻ ബെൻസൺ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. ടൈറ്റിൽ പോസ്റ്ററിൽ നിന്ന്, ഇത് മോട്ടോക്രോസ് റേസിംഗിനെക്കുറിച്ചുള്ള ഒരു കഥയാണെന്ന് ഞങ്ങൾ അനുമാനിക്കുന്നു. ബാബു വല്ലർപടം ചിത്രത്തിന്റെ തിരക്കഥ ഒരുക്കിയിട്ടുണ്ട്.

റേസിംഗ് സീക്വൻസുകൾ നൃത്തം ചെയ്യുന്നതിനായി ഇന്ത്യൻ നാഷണൽ മോട്ടോക്രോസ് ചാമ്പ്യൻഷിപ്പിൽ തുടർച്ചയായി അഞ്ച് തവണ വിജയിയായ സിഡി ജിനാനെ സാങ്കേതിക രംഗത്ത് നിർമാതാക്കൾ ഒപ്പിട്ടു. വിനോദ് പെരുമാൾ ക്യാമറ ഉപയോഗിക്കുകയും എഡിറ്റുകൾ ഡോൺ മാക്സ് നടത്തുകയും ചെയ്യും. ‘വിക്രം വേദ’ ത്തിൽ മികച്ച പ്രകടനം കാഴ്ചവെച്ച സാം സിഎസിനെ സംഗീത സംവിധായകനായി തിരഞ്ഞെടുത്തു. കഴിഞ്ഞ വർഷം മോഹൻലാൽ നായകനായ ‘ഒഡിയൻ’ എന്ന ചിത്രത്തിലൂടെ അരങ്ങേറ്റം കുറിച്ചതിന് ശേഷം മലയാളത്തിൽ നടക്കുന്ന രണ്ടാമത്തെ ഷൂട്ടിംഗാണിത്.

‘2 സ്ട്രോക്ക്’ റെംഗനാഥ് രവിയുടെ ശബ്ദ ഡിസൈനും കനാൽ കണ്ണന്റെ സ്റ്റണ്ടുകളും ഡിസൈനർ റോഷ്നി രൂപകൽപ്പന ചെയ്ത വസ്ത്രങ്ങളും ഉണ്ടായിരിക്കും. ഭർത്താവ് ദിനക്കർ ഒ.വിയുമായി സംയുക്തമായി ചിത്രം നിർമ്മിക്കുന്നു. ഷൂട്ട് ഉടൻ ആരംഭിക്കുമെന്ന് പ്രതീക്ഷിക്കുന്നു.

Continue Reading
entertainment2 days ago

ബോട്ടിൽ ക്യാപ്പ് അടിച്ചു പറത്തി കുങ്ഫു മാസ്റ്റർ നീത പിള്ള ..! വൈറലായി വീഡിയോ

malayalam3 days ago

പൂമരത്തിലെ യൂണിയൻ ചെയര്മാനല്ല , കുങ്ഫു മാസ്റ്ററിലെ ഋതു ..!

malayalam6 days ago

ചിരിപ്പിക്കുന്ന ,ഞെട്ടിക്കുന്ന ആവേശം കൊള്ളിക്കുന്ന ബിഗ് ബ്രദർ ..! റിവ്യൂ വായിക്കാം

malayalam2 weeks ago

പേര് കോട്ടയം പക്ഷെ ഷൂട്ട് ഇന്ത്യ മുഴുവനും..!

Teaser2 weeks ago

ഒരു ക്ലാസ് ടീസർ ആയിരുന്നു പ്രതീക്ഷിച്ചത് !. ഇതിപ്പോ എന്താ പറയാ !. ഞെട്ടിച്ചു കളഞ്ഞു

Videos2 weeks ago

പെൺകുട്ടിയുടെ വാക്കുകൾ കേട്ട് വേദിയിൽ നിറകണ്ണുകളോടെ താരം

malayalam3 weeks ago

വെറും ധമാക്കയല്ല, ഇതൊരു അടിപൊളി ധമാക്ക.! റിവ്യൂ വായിക്കാം

Uncategorized1 month ago

ഫിലിം ഫെയർ സൗത്ത് 2019 അവാർഡുകൾ പ്രഖ്യാപിച്ചു ; മലയാളത്തിന് മികച്ച നേട്ടം !

Uncategorized1 month ago

ഫിലിം എഡിറ്റിംഗ് ആണോ നിങ്ങളുടെ സ്വപ്നം? എങ്കിൽ ഇതാ ഒരു സുവണ്ണാവസരം !

malayalam1 month ago

ഇത് എന്റർടൈൻമെന്റിന്റെ വലിയ പെരുന്നാൾ ..! വലിയ പെരുന്നാൾ റിവ്യൂ വായിക്കാം

Teaser2 weeks ago

ഒരു ക്ലാസ് ടീസർ ആയിരുന്നു പ്രതീക്ഷിച്ചത് !. ഇതിപ്പോ എന്താ പറയാ !. ഞെട്ടിച്ചു കളഞ്ഞു

Videos2 weeks ago

പെൺകുട്ടിയുടെ വാക്കുകൾ കേട്ട് വേദിയിൽ നിറകണ്ണുകളോടെ താരം

Trailer4 months ago

കൊലകൊല്ലി ഐറ്റവും ആയി കാർത്തി ട്രൈലെർ കാണാം

Trailer9 months ago

സൂര്യ പൊളിച്ചടുക്കി വേറെ ലെവൽ കൊലമാസ്സ് ! NGK ഞെട്ടിക്കുന്ന ട്രൈലെർ കാണാം

video9 months ago

ഏവരും കാത്തിരുന്ന അതിരനിലെ പവിഴ മഴയെ എന്ന് തുടങ്ങുന്ന ഗാനത്തിന്റെ വീഡിയോ എത്തി കാണാം

Teaser9 months ago

സൂര്യയും മോഹൻലാലും ആദ്യമായി ഒന്നിക്കുന്ന “കാപ്പാൻ ” സിനിമയുടെ ടീസർ പുറത്തിറങ്ങി

Teaser10 months ago

‘ഒരു ഉമ്മ തര്വോ’… രസകരമായ ഒരു ടീസർ

Trailer10 months ago

ഇതു വിമര്ശിച്ചവർക്ക് പ്രിത്വിയുടെ മറുപടി; ലാലേട്ടന്റെ കൊലകൊല്ലി ഐറ്റം ലൂസിഫെർ ട്രയ്ലർ കാണാം…

Teaser12 months ago

ആസിഫ് അലി നായകനാകുന്ന O.P.160/18 കക്ഷി: അമ്മിണിപ്പിള്ളയുടെ ടീസർ പുറത്തിറങ്ങി

Gallery1 year ago

വെസ്റ്റ് ബംഗാളിലെ തനത് കലാരൂപമായ ഗോമ്പിറയെ ജനങ്ങൾക്ക് പരിചയപ്പെടുത്തുന്ന ഡോക്യൂമെന്ററി ഫിലിം ആണ് “ഗോമ്പിറ ” ട്രൈലെർ കാണാം

Trending